Қазақстан Республикасының тәуелсіздігінің 30 жылдығына орай № 36 «Топотушки» балабақшасында мерекелік, спорттық іс-шаралар өтті.

Сонымен қатар балалар мен тәрбиешілер арасында «Тәуелсіз ел-Қазақстан» тақырыбында көрме өтті. Балалар  өз еліне деген патриоттық сезімін, туған жеріне деген сүйіспеншілігін қабырға газеттерін дайындау арқылы көрсетті.

Балабақша тәрбиеленушілеріне арналып «Ертегілер күні» өтті. Балаларды қазақ халық ертегілеріне деген қызығушылық қасиеттеріне тәрбиелеу мақсатында  ертегі кейіпкерлерін сахналауға барлық топтың бүлдіршіндері қатысты. Әр топтың тәрбиешісі өздеріне ұнаған бір ертегіні таңдап алып, балаларды ертегілерді сахналау көрінісіне дайындады. Балалар кейіпкер ретінде ойнаған өз рөлдерін өте жақсы алып шықты.